ನಮ್ಮ ಮಾತು

ನಾನು ಮೂಗ

ಅವಳು ಕಿವುಡಿ

ಕಣ್ಣಲ್ಲೇ ನಮ್ಮ ಮಾತು.....!

ಹಬ್ಬದ ಸಡಗರ

ಉಟ್ಟು ಸೀರೆಯ ಹಬ್ಬದಿ
ಚಿಮ್ಮುತ ನಿರಿಗೆಯ ಕಾಲಲಿ

ಬಂದಳು ನೀರೆ
ತಿರುವುತಾ ಮೋರೆ

ಮುಡಿದು ಮಲ್ಲಿಗೆ
ಹಿಡಿದು ಹೋಳಿಗೆ....!

 

ಮದುವೆ

 ಮಧುರ 

ದುರಂತ 

ವೇದನೆ 

.

.

.

ಅದುವೇ 

ಮದುವೆ......!

ಕತ್ತಲು

ಕತ್ತು ಹಿಸುಕುವ

ಕತ್ತಲು

ದುರ್ಬಲ ಮನಸಿನ

ಸುತ್ತಲು

ಭಯವು ಬುದ್ಧಿಯ

ಮುತ್ತಲು...!

'ಸಂ'ಶೋಧನೆ

ತೂಕವಿಲ್ಲದ ರೀಸರ್ಚ್ ಪೇಪರ್ ಗಳು,
ಕುಲಗೆಟ್ಟ ರೀಸರ್ಚೆರ್ಸ್ ಗಳು,
ಬೇರೆ ರಿಸರ್ಚ್ ಪೇಪರ್ ಗಳ
ಹುಡುಕುವ ಕಳ್ಳ ಕಣ್ಣುಗಳು...

ಅಲ್ಲಿಂದ ಸ್ವಲ್ಪ-ಇಲ್ಲಿಂದ ಸ್ವಲ್ಪ
ಕದ್ದು  ಜೋಡಿಸಿ
ಹೊಸ  ರೂಪ
ಕೊಡುವ  ಕಲೆಗಾರರು ಇವರು
ಯಾರದೋ ಮಗುವಿಗೆ ತಂದೆಯಾದಂತೆ 

ಯಾರದೋ  ಸಂ'ಶೋಧನೆಗೆ  ಇವರು  ಜನಕರು...!

KAVI-‘THE’-SIS

(KAVI(THE)SIS)

ಕವಿತೆ ಎಂದರೆ

ಕಟ್-ಕಾಪಿ-ಪೇಸ್ಟ್ 

ಮಾಡಿದ ಥೀಸಿಸ್ಸೋ  

ಅಥವಾ ರಿಪೋರ್ಟೋ ಅಲ್ಲ.

ಅನುಭವ-ವಾಸ್ತವಗಳ ಹೂರಣದುಂಬಿ,

ಕನಸು-ಕಲ್ಪನೆಗಳ ಕಣಕಕ್ಕೆ.  

ಪ್ರೀತಿ-ಸ್ನೇಹದಿ ಲಟ್ಟಿಸಿ

ಒಲವಿನ ಒರತೆಯಲಿ 

ಹದವಾಗಿ ಬೇಯಿಸಿದ ಹೋಳಿಗೆಯದು! 

ತಂತಿ ಹರಿದ ವೀಣೆ

ಅವಳು ವೀಣಾ

ನಾನೇ ವೈಣಿಕ

ಅವಳ ಧ್ವನಿ

ತಂತಿ ಹರಿದ ವೀಣೆ..!