ಹಾಸಿಗೆಯಿದ್ದಷ್ಟೇ ಕಾಲುಚಾಚಬೇಕೇ?

ಸುಂದರ ತಪ್ಪು

ಹುಡುಗಿಯರ ಸುಂದರ ಅಕ್ಷರಗಳಲ್ಲಿ
ತಪ್ಪು ಉತ್ತರ ಹುಡುಕೋದು ಕಷ್ಟ

ಕಂಗಳ ಪಿಸುಮಾತು

ಕಣ್ಣ ಪಿಸರು

ಪಿಸುಗುಟ್ಟಿದೆ

ಕಂಗಳ ತುಂಬಾ

ನಿನ್ನ ಕನಸೇ ತುಂಬಿವೇ

ನನಗಿಲ್ಲಿ ಜಾಗವಿಲ್ಲವೆಂದು!

ಎದೆಯಲೊಂದು ಸದ್ದು

ನಿನ್ನ ಕಿವಿಯ
ಜುಮಕಿಗಳ ಕಂಡಾಗ
ನನ್ನೆದೆಯಲ್ಲಿ 
ಗಂಟೆ ಸದ್ದು 

ಅಭಿಯಂತರೆ

ನೀ ನನ್ನ 
ಕನಸುಗಳ
ಅಭಿಯಂತರೆ*
ನಾ ಬಳಿ ಬಂದರೆ
ನೀನಾಗುವೆ 
ಅಭ್ಯಂತರೆ.
ಬಯಸುವೆ
ನೀನಾಗಲಿಯೆಂದು
ನನ್ನ ಬದುಕಿಗೆ
ಅಭಯಂತರೆ!

*ಅಭಿಯಂತರ-Engineer

ಶೀತಲ ಸಮರ

ಯಾಕೆ ಮೌನಿಯಾಗಿರುವೆ?

ಒಳಗೆ ಯುದ್ಧ ನಡೆಯುತ್ತಿದೆ.

ನಿನ್ನೊಡನಾಡಿದ ಮಾತುಗಳು

ನಿನ್ನೊಡನಾಡಿದ ಮಾತುಗಳು:
ಅರ್ಧ ಹಾಡಿ ನಿಲ್ಲಿಸಿದ
ಮಧುರ ಗೀತೆ.

ಆಡಿದುದಕೆ ಮನ ಕುಣಿದು 
ಕುಪ್ಪಳಿಸುವುದು,
ಹಾಗೆಯೇ ಉಳಿದ ಮಾತುಗಳಿಗೆ
ಕಾತರಿಸುವುದು!